شبكة نجوم الدهانات والديكو

مرحبا بكم في شبكة نجوم الدهانات
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 رسائل خواطر وشعر

اذهب الى الأسفل 
كاتب الموضوعرسالة
حاكم زماني
المدير العام
المدير العام
avatar

ذكر عدد المساهمات : 124
تاريخ التسجيل : 14/12/2012
الموقع : جده

مُساهمةموضوع: رسائل خواطر وشعر   الأربعاء مارس 06, 2013 5:19 pm

مرت سنة واعوام والعمر استمر = وانته تداريني كما الكنز الثمين
عيشتني عيشة ولا فيها ضجر = واكلتني دايم على اللحم السمين
علمتني رحب بضيفي لاحضر = ماقول له لادق بابي مين مين !!
ارحب وحيا بك تراحيب المطر = حيا وسهلا بالكرام المكرمين

- 2 -

المدرسة

اكره المدرسه !
المدرسه اول مكان عرفت فيه
كيف يحقد الانسان
كيف يظلم
كيف يقف مع الظالم
كيف يتعصب !

اول مكان عرفت فيه الفرق بين الضعيف والقوي
بين الوحيد وصاحب العصبه
بين الغريب وصاحب الأرض

في مكان واحد عرفت كل هذه البشاعه
فكيف لااكرهها !!


- 3 -
صورة من المدرسة

طفل شرير ينوي ان يتهجم على "الطفل الغريب" , يلتحق بالشرير اذنابه !
يُضرب انف الشرير .. ينزف .. يسقط باكيا

تهرب الاذناب !


- 4 -

اجدف والبحر غاضب !
انا .. ومجدافي .. وقارب
ابي اهرب من الماضي
والي المجهول ... يا هارب !!



- 5 -
رسالة الي صديق

بندق ورامي .. عين .. تصويب .. وهدف = كتم النفس .. تثبيت .. رمية خاطفة
تحقيق رمية مايجينا بالصدف = والفهد ماهو منتظر لمصادفة
سلام يتقدم على ماقد سلف = وياصاحبي مالك بطول السالفه
بعض الرجال مخوته كسب وشرف = ياليت من مثلك من اول عارفه
فيك الطباع اللي تشاف وتنعرف = طيب(ن) وشخصية وروح ملاطفه
عسى يدوم الود ونجاذب طرف = زين الطبايع واحترام الطايفه
وماني من اصحاب المصالح والترف = وماني من اصحاب الوجيه الزايفه


- 6 -

اهتمام المُضيف بمظهره .. اكرام للضيف

- 7 -

الناس تسعى وراها = والبنت تسعى ورايا
واخاف لاحد خذاها = يسبق بكاها بكايا


- 8 -

طول عمرك وانت في عيني كبير = دايما قدرك على روس القمم
في بداية غربة الطفل الصغير = كنت فالغربه لنا خالا وعم
ياظلال اللي لبس شمس الهجير=ياظلاله يوم ظله من عدم
تسقي الظامي من الوبل الغزير=يامجدد ابجديات الكرم
تكرم المحتاج واتعين الفقير=وتمحي اوجاع الخلايق والالم
يمدحونك لانك الشخص الجدير=بالمدايح كلما خط القلم
ويوم جيت اختار لي درب ومصير=شفت مصباحك ضوى وسط الظلم
لأنك الاول بعمري والاخير=مارضيت اتزل عن دربك قدم
كنت اتشرف بذكر اهلي واطير=يوم (........) راس وعلم
وزادني قربك من الفخر الكثير=كني الا صقر عالمطلع عزم
واكتمل بدر المحبه فالضمير =والتقينا يوم خالقنا قسم
ويوم جا بعض المخاليق البشير=صار يومه يوم والوجه التطم
مايبا في دارنا فوح العبير=وماتمنى بيننا شي فرح تم
قول ياعمي يصير او مايصير=كيف تسمع في بنك هرج النمم!
لانظم حاسد شف الحاسد بصير=يعرف انه لانظم هرجه نظم
طول عمرك وانتا ياعمي كبير=وطول عمري بين خلق الله اشم


- 9 -

لاتبعّد ياحبيبي عن حبيبك = ون بغيت اتروح .. روح ولا تجرّب !
انا ماعندي لعب جبني واجيبك = ياتبعد ياحبيبي ياتقرّب !!


- 10 -
ردية لطيفة

احمد صالح :
ياناصر الشظي علامك شارد = ياشيخ وينك؟ كل هذه شردة !!
من يوم شفتك فالدينه كارد = ماشي سوى من بعد ذيك الكرده !

ناصر الشظي :
يامرحبا الليلة بذي جا وارد = جاني ونا مشغول .. سردة مردة
درب المدينة لا دخلته كارد = كني تمشى فوق راسي وردة !!



هذه اولى الحلقات واتمنى انها حازت الرضى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://akram-5877man.up-your.com
 
رسائل خواطر وشعر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة نجوم الدهانات والديكو :: الاقسام العامه :: قسم الشعر والخواطر-
انتقل الى: